CBI Recruitment 2023 Goa: सरकारी बँकेत नोकरी करायची इच्छा असेल तर ही बातमी तुमच्यासाठीच आहे. देशातील सार्वजनिक क्षेत्रातील बँकांपैकी एक असलेल्या सेंट्रल बँक ऑफ इंडियाने देशभरातील विविध राज्यांमध्ये तयार केलेल्या रिजनमध्ये एकूण 5,000 उमेदवारांच्या भरती सुरु केली आहे.

बँकेने सोमवार, 20 मार्च 2023 रोजी जारी केलेल्या अधिसूचनेनुसार, दिल्लीत 141, उत्तर प्रदेशात 615, बिहारमध्ये 526, झारखंडमध्ये 46, राजस्थानमध्ये 192, उत्तराखंडमध्ये 41, हरियाणात 108 अशा एकूण पाच हजार पदांच्या रिक्त जागा भरण्यास सुरुवात केली आहे.

प्रक्रियेद्वारे निवड झालेल्या उमेदवारांना एक वर्ष काम करण्याची संधी दिली जाईल आणि जास्तीत जास्त 15,000 रुपये प्रति महिना स्टायपेंड दिला जाईल.

CBI भर्ती 2023: सेंट्रल बँक ऑफ इंडिया अप्रेंटिस भरतीसाठी 3 मार्चपर्यंत करा अर्ज

सेंट्रल बँक ऑफ इंडियाने विविध राज्यांसाठी जाहिरात केलेल्या शिकाऊ उमेदवारांच्या 5000 हून अधिक पदांसाठी अर्ज करण्यास इच्छुक असलेले पात्र उमेदवार बँकेच्या अधिकृत वेबसाइट, Centralbankofindia.co.in वर प्रदान केलेल्या ऑनलाइन अर्जाद्वारे अर्ज करू शकतात. 20 मार्चपासूनच अधिसूचना जारी करून अर्ज प्रक्रिया आधीच सुरू झाली आहे.

• अटी आणि नियम

सेंट्रल बँक ऑफ इंडियाने प्रसिद्ध केलेल्या अप्रेंटिसशिप भरती अधिसूचनेनुसार, उमेदवार मान्यताप्राप्त विद्यापीठ किंवा इतर

कोणत्याही उच्च शिक्षण संस्थेतून कोणत्याही शाखेतील पदवीधर असणे आवश्यक आहे.

तुम्ही ज्या क्षेत्रासाठी अर्ज करत आहात त्या भागातील स्थानिक भाषेचे ज्ञानही असणे आवश्यक आहे.

उमेदवारांचे वय 20 वर्षांपेक्षा कमी आणि 28 वर्षांपेक्षा जास्त नसावे.

भारत सरकारच्या नियमांनुसार राखीव प्रवर्गातील उमेदवारांना वयात कमाल सूट दिली जाईल.