7th Pay Commission Update: केंद्रीय कर्मचाऱ्यांसाठी एक आनंदाची बातमी आहे. जुलै महिन्यात सरकारकडून त्यांना मोठा लाभ मिळू शकतो. मीडिया रिपोर्ट्सनुसार, केंद्रीय कर्मचार्यांच्या महागाई भत्त्यात (DA) पुढील महिन्यापासून पासून वाढ केली जाऊ शकते.
जानेवारी आणि जुलैमध्ये वर्षातून दोनदा महागाई भत्ता वाढवला जातो. शेवटची दरवाढ मार्च 2023 मध्ये जाहीर करण्यात आली होती, जी 1 जानेवारी 2023 पासून लागू झाली होती. दरवाढीमध्ये डीए 4 टक्क्यांनी वाढवून 42 टक्के करण्यात आला आहे.
सध्या, केंद्रीय कर्मचाऱ्यांना 42 टक्के महागाई भत्ता दिला जात आहे. रिपोर्टनुसार, केंद्र सरकार 1 जुलैपासून महागाई भत्त्यात 4 टक्के वाढ जाहीर करु शकते, त्यानंतर डीए 46 टक्के होईल.
मात्र, अद्यापपर्यंत डीए वाढीबाबत सरकारकडून (Government) कोणतीही घोषणा करण्यात आलेली नाही. चालू आर्थिक वर्षात सरकार डीए वाढवण्याची ही पहिलीच वेळ असेल.
सरकारी कर्मचाऱ्यांना महागाई भत्ता दिला जातो, तर पेन्शनधारकांना महागाई सवलत दिली जाते. अधिकृत आकडेवारीनुसार, 47.58 लाख केंद्र सरकारी कर्मचारी आणि 69.76 लाख पेन्शनधारक आहेत, ज्यांना आगामी डीए वाढीचा फायदा होणार आहे.
AICPI नुसार कर्मचाऱ्यांच्या (Employees) पगारात 3 ते 4 टक्के वाढ होऊ शकते. तथापि, ते मे-जूनच्या आकडेवारीवर देखील अवलंबून असेल, जे चांगले असल्यास, 4 टक्के महागाई भत्ता आणि महागाई सवलत वाढवू शकते.
जर एखाद्या कर्मचाऱ्याला दरमहा 20,000 रुपये पगार मिळत असेल, तर 42% DA नुसार तो 8,400 रुपये होतो. त्याचवेळी, डीए 46 टक्के नुसार 9,200 रुपये असेल. अशा प्रकारे, दरमहा पगारात 720 रुपये आणि वार्षिक 99,360 रुपयांची वाढ होईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.