Valpoi News: वाळपईतील 'फूड स्ट्रीट' प्रकल्प उद्घाटनाच्या प्रतिक्षेत

वाळपई शहरात अनेक पैसे खर्च करून फूड स्ट्रीट हा नवीन प्रकल्प उभारण्यात आलाय मात्र अद्याप त्याचे उद्घाटन झालेले नाही. या प्रकल्पामुळे तिथल्या दुकानदारांना वेगळ्या जागेत हलवण्यात आलं होतं. मंगळवार हा वाळपईच्या बाजाराचा दिवस आहे आणि यादिवशी इथे भरपूर गर्दी होते. दोन महिन्यांपूर्वीच हे काम पूर्ण झालं असूनही अद्याप इथल्या दुकानदारांना फूड स्ट्रीटमध्ये कधी जागा दिली जाईल याबद्दल माहिती दिली गेलेली नाही आणि म्हणूनच लवकरात लवकर आम्हाला नवीन ठिकाणी जागा द्या अशी मागणी दुकानदारांकडून केली जातेय.