Crime News: मालीम जेटी हत्या प्रकरणाचा पर्वरी पोलिसांनी २४ तासांत लावला छडा; दोघांना अटक

Malim Jetty Mandovi Bridge Murder

पणजी: बेती येथील मांडवी पुलाखालील शेडच्या ठिकाणी अज्ञात इसमाचा दगडाने डोके ठेचून खून केल्याप्रकरणी झारखंडच्या कृष्णा प्रधान (१८) व भाऊला ऊर्फ भोला ऊर्फ नारायण सिंग (२३) या दोघांना पर्वरी पोलिसांनी अटक केली आहे. मयत इसमाची ओळख अजूनही पटलेली नाही. संशयितांनी खुनाची कबुली दिली असून त्यांना न्यायालयाने पाच दिवसांची पोलिस कोठडी दिली आहे.

मयत इसम व संशयितांची भेट ९ नोव्हेंबर रोजी या पुलाखाली शेडच्या ठिकाणी मद्य घेताना झाली. ते तिघेही मद्य घेत असताना त्यांच्यामध्ये भांडण झाले व त्यानंतर एकमेकाला मारहाणीनंतर रागाच्या भरात संशयितांनी त्याच्या डोक्यात चिऱ्याचा दगड घातला. त्यामुळे इसम जागीच ठार झाला. पर्वरी पोलिसांनी या प्रकरणाचा छडा २४ तासात लावला.