Harvalem Panchayat Election: हरवळे पंचायत निवडणुकीत एकूण ९१.१७ टक्के मतदान!!

साखळीतील हरवळे पंचायतीच्या मतदानाने अनोखा विक्रम केला. दुपार पर्यंत इथे ५६.५४ टक्के मतदान झाल्याची नोंद करण्यात आली. चार प्रभागांमध्ये झालेल्या या मतदानात एकूण १२ उमेदवारांचा सहभाग होता आणि स्थानिकांनी देखील या मतदानाला उत्स्फूर्त प्रतिसाद दिला. हरवळे मतदार संघात एकूण १९९१ मतदारांची नोंद आहे. सकाळी ८:३० पासून सुरु झालेल्या या मतदानातून दुपारपर्यंत ५६ टक्के मतदान झाले. अंतिम टप्प्यात हरवळे पंचायतीच्या चार प्रभागांमध्ये एकूण ९१.१७ टक्के मतदान झाल्यानंतर संध्याकाळी ५ वाजता मतदान प्रक्रिया बंद झाली. सर्वाधिक मतदान प्रभाग क्र. २ मध्ये (९५.५८) तर सर्वात कमी मतदान प्रभाग क्र. ३ मध्ये (८३.३८) झाले.