Fishing Boat seized: गोव्याच्या समुद्रात बेकायदेशीररित्या मासेमारी; कर्नाटकचे 2 ट्रॉलर जप्त

Goa Illegal Fishing By Karnataka

पणजी: कर्नाटक येथील दोन मच्‍छीमार बोटी गोव्‍याच्‍या हद्दीत मासेमारी करताना नेरुल येथे पकडण्‍यात आल्‍या. ‘रापणकारांचो एकवोट’ने या बोटींचा पाठलाग करून त्‍या मच्‍छीमार खात्‍याकडे सुपूर्द केल्‍या. सध्‍या या दोन्‍ही बोटी पणजीतील जेटीवर आणण्‍यात आल्‍या आहेत. त्‍यावरील मासळीचा लिलाव करून कायदेशीर कारवाई करण्‍यात येईल, अशी माहिती सूत्रांनी दिली.

महाराष्‍ट्र आणि कर्नाटकातून गोव्‍याच्‍या समुद्री हद्दीत येऊन बेकायदा मासेमारी करण्‍याचे प्रकार वाढले आहेत. त्‍याला प्रतिबंध करण्‍यासाठी गोव्‍यातील मच्‍छीमारांकडून सातत्‍याने मागणी होत अाहे. तथापि, प्रशासनाकडून अपेक्षित कारवाई होताना दिसत नसल्याने संताप व्यक्त केला जात आहे.