Goa Tourism Stats Row: सोशल मिडियावर गोव्याची बदनामी करणाऱ्यांवर कारवाई झालीच पाहिजे; मायकल लोबो भडकले

राज्यात सध्या पर्यटन हंगाम सुरु आहे. देश-विदेशातील पर्यटक गोव्यात दाखल होत आहेत. मात्र कोरोना काळानंतर गोव्यात येणाऱ्या पर्यटकांच्या संख्येत मोठी घट झाल्याचे सीईआयसीच्या अहवालात सांगण्यात आलं. यानंतर सोशल मीडियावर चर्चेला उधाण आलं. काही लोकांनी गोव्यातील टॅक्सी माफिया आणि महागडे हॉटेल्स यांना जबाबदार धरले. याबद्दल बोलताना रामानुज मुखर्जी यांनी एक्सवर एक पोस्ट करत 2014 ते 2023 या काळात गोव्याला भेट दिलेल्या पर्यटकांची संख्या कमी झाल्याचा दावा केला. यानंतर राज्यात एकच खळबळ उडाली. मायकल लोबो यांनी आक्रमक पवित्रा घेत सोशल मीडियावर गोव्याची बदनामी करणाऱ्यावर कठोर कारवाईची मागणी केली. गेल्या काही दिवसांत सोशल मीडियावर गोव्याच्या बाबतीत बदनामीकारक पोस्ट केल्या जात असल्याचे त्यांनी निदर्शनास आणून दिले.