RED 2: इलियाना डिक्रूजऐवजी 'रेड 2' चित्रपटात अजय देवगण बरोबर कोणत्या अभिनेत्रीची लागली वर्णी

RED 2: अलीकडेच टी-सीरीजने अजय देवगणच्या 'रेड' या हिट चित्रपटाच्या सिक्वेलची घोषणा केली होती. ही बातमी ऐकून चाहत्यांच्या आनंदाला पारावार उरला नाही. अमेय पटनायक पुन्हा एकदा पडद्यावर पाहण्यासाठी चाहते आतुर झाले आहेत. 'रेड'मध्ये अजयशिवाय इलियाना डिक्रूझ आणि सौरभ शुक्ला यांनी जबरदस्त अभिनय केला होता.

'रेड 2' मध्ये इलियाना डिक्रूजऐवजी वाणी कपूर मुख्य भूमिकेत दिसणार आहे. वाणीने 'शुद्ध देसी रोमान्स', 'चंडीगढ़ करे आशिकी' सारख्या चित्रपटात काम केले आहे. आता या क्राईम ड्रामामध्ये ती अजयच्या पत्नीच्या भूमिकेत दिसणार आहे. ती सेटवर जॉईन झाली असून काही दिवसांत मुंबईत शूटिंग सुरू करणार आहे. अजय आणि वाणी एकत्र स्क्रीन शेअर करण्याची पहिलीच वेळ असणार आहे.

आता इलियाना डिक्रूजऐवजी वाणी कपूरची आणि अजय देवगणची जोडी प्रेक्षकांना भूरळ घालण्यात यशस्वी होणार का हे पाहणे महत्वाचे ठरणार आहे.

2024 मध्ये अजय देवगण अनेक चित्रपटांमधून प्रेक्षकांचे मनोरंजन करणार आहे. तो अभिषेक कपूरच्या पीरियड ड्रामा सिनेमात दिसणार आहे. या चित्रपटाचे काय नाव असणार हे अद्याप स्पष्ट झाले नाही. याशिवाय तो विकास बहलच्या सुपरनॅचरल थ्रिलरमध्येही आहे. तो नीरज पांडेच्या 'और में कहाँ दम था' मध्ये दिसणार आहे. सध्या तो रोहित शेट्टीच्या सिंगम अगेन या चित्रपटातदेखील दिसणार आहे.