Rashi Bhavishya 17 October 2024: मनासारखी कार्ये होतील, धनलाभ होईल; अनेकांची मने जिंकत आनंदाने आजचा दिवस घालवाल

आजचे पंचांग

ज्योतिषाचार्य : सारंग चिक्षे

गुरुवार,१७ आक्टोबर २०२४, अश्विन शुक्ल पक्ष,

• शरद ऋतु,क्रोधी नाम संवत्सर,शके १९४६.

• तिथि- पौर्णिमा १६l५५

• रास- मीन

• नक्षत्र- रेवती १६l१९

• योग - हर्षण २४l४०

• करण - भद्रा ०६l४७

• दिनविशेष - चांगला दिवस

आजचे राशिभविष्य

मेष - कोणतेही काम जलदरित्या होईल, मनासारखी कार्ये होतील, आरोग्य प्रतिकार शक्ति उत्तम, मन प्रसन्न वाटेल, नविन निर्णय घ्याल, विशेष ऊर्जा मिळेल. प्रवास देखील छान होईल.

वृषभ - धनलाभ होईल,आपल्या बोलण्यानुसार प्रगती निश्चित होईल, गोड वाणी तर उत्तम लाभ, आपल्या शब्दांनी अनेकांची मने जिंकाल, कुटुंबाकडून सुख प्राप्ती होईल त्याचबरोबर आनंद साजरा कराल.

मिथून - भावंडांशी संपर्क होईल,चांगल्या बातम्या मिळतील,काहितरी नवीन पराक्रम करण्याची इच्छा होऊ शकते,आज शेजारी लोकांशी संवाद साधाल,द्विधा मनस्थितीतून मार्ग मिळेल.

कर्क - घरासंबंधतील कार्ये जलद गतीने होताना दिसतील,घरामधे आ नंदाचे वातावरण दिसेल, कामामध्ये चांगला फायदा होईल.

सिंह - आजचा अभ्यास नियमित पूर्ण होईल,कमी कष्टात कार्ये संपन्न होतील.मार्केट क्षेत्रात यशलाभ ,संतती सुख मिळेल,प्रेमात यश मिळेल.

कन्या - शत्रूंपासून सावधान राहावे कदाचित फसवणुक होऊ शकते, सावधरित्या प्रवास करावा,लक्षपुर्वक कार्ये करावीत कोणीतरी बाधा आणण्याचा प्रयत्न करेल असे दिसते,अध्यात्मात प्रगती करण्याचा प्रयत्न करावा.

तूळ - आपल्या राशीत रवीने प्रवेश केला आहे जिथे रवी निर्बली असतो,इथे रवीच्या भावानुसार फले मिळतील, शक्यतो नोकरीमध्ये किंवा आरोग्याच्या तक्रारी जाणवतील.

वृश्चिक - वरिष्ठांकडून किंवा पत्नीकडून धनलाभ होऊ शकतो, वाहने सावकाश चालवावीत अपघाताची लक्षणे दिसतात,एकांत प्रिय वाटेल, प्रवास देखील एकटेच कराल, आरोग्याकडे विशेष लक्ष द्याल.

धनु - प्रवासासाठी उत्तम दिवस, प्रवासी कामे व्यवस्थित पार पडतील,यात्रा इत्यादी सुखरूप होतील,अध्यात्मातील प्रगती वाढेल, उच्च शिक्षणासाठी केलेले श्रम फलदायी ठरेल.

मकर - कष्टमय कार्ये येतील परंतु यशस्वीपणे पूर्ण देखील होतील, व्यवसायात उत्तम लाभ होईल,संशय सोडावा व जलद गतीने पुढे जावे कोणीही फसवणार नाही त्यामुळे मागे न पाहता कार्ये सफल करून दाखवावी.

कुंभ - थोडा विलंबाने लाभ होईल,केलेल्या कामाचे फल अपेक्षित वाटेल परंतु असे नसून ते धैर्याने उत्तम प्रकारे मिळणार आहे,चिंता नसावी तुमच्या वाट्याचे तुम्हाला निश्चित मिळणार.

मीन - बारावा चंद्र अधिक खर्च दर्शवितो तो पण अनपेक्षित खर्च. त्यामुळे खरेदीवर नियंत्रण ठेवा.वेळेवर लक्षात येणार नाही परंतु मग वाटू शकते की आवश्यकता नसताना देखील अधिक खर्च होतोय.दूरचा प्रवास टाळावा.