Water Shortage in Goa: तिलारी धरण दुरुस्तीच्या कामासाठी बंद; गोव्यातील पाणी पुरवठ्यावर होणार परिणाम

Water Shortage in Goa: महाराष्ट्रात असलेल्या तिलारी धरणातून उत्तर गोव्यातील काही भागात पाणीपुरवठा करण्यात येतो. जलस्रोतमंत्री सुभाष शिरोडकर यांनी दिलेल्या माहितीनुसार पुढील काही दिवस उत्तर गोव्यात पाणी पुरवठ्यावर परिणाम होऊ शकतो.

तिलारी धरणाच्या दुरुस्तीखातीर धरण 10 ऑक्टोबर ते 15 ऑक्टोबरपर्यंत बंद असणार आहे. त्यामुळे या काळात गोव्यातील पाण्याच्या पुरवठ्यावर परिणाम होऊ शकतो.

मात्र या कालावधीत अंजुना-अस्नोडा केंद्रातून पाणी पुरवठा करण्यात येईल अशी माहिती सुभाष शिरोडकरांनी दिली आहे. तरी नागरिकांनी या काळात अतिरिक्त पाणी साठवून ठेवावे असे सांगण्यात येत आहे.