Kharpal Fire News: खरपाल येथे दोन घरांना आग, आठ लाखाहून अधिक नुकसान

Kharpal Fire News: खरपाल येथे दोन घरांना आग लागून आठ लाखाहून अधिक नुकसान झाले आहे. गुरुवारी (दि.14) पहाटेच्या सुमारास ही घटना उघडकीस आली. आगीची माहिती मिळताच अग्निशमन दलाचा बंब घटनास्थळी दाखल होऊन आगीवर नियंत्रण मिळवले.

मिळालेल्या माहितीनुसार, खरपाल येथे पहाटेच्या सुमारास जोडून असलेल्या सोनू गावस आणि भिवा गावस यांच्या दोन घरांना अचानक आग लागली. आग वाढत गेली आणि संपूर्ण घर आगीच्या भक्ष्यस्थानी पडले. घरातील लोकांना सुखरुप बाहेर काढण्यात आहे.

अग्निशमन दलाचे बंब घटनास्थळी दाखल झाल्यानंतर आगीवर नियंत्रण मिळवण्यात यश आले.

आगीत घरातील सुवर्णालंकारासह किमती ऐवज भस्मसात झाले असून, आठ लाखाहून अधिक नुकसान झाल्याचा अंदाज वर्तवला जात आहे. शॉर्ट सर्किटमुळे ही आग लागल्याचा प्राथमिक अंदाज वर्तवला जात आहे.