मुंबईहून पळालेला मुलगा मडगाव पोलिसांच्या ताब्यात

फातोर्डा : कोकण रेल्वे पोलिसांनी कल्याण - मुंबई येथून पळून आलेल्या एका 17 वर्षीय अल्पवयीन मुलाला मडगाव येथील रेल्वे स्थानकावर ताब्यात घेऊन मंबई पोलिसांच्या ताब्यात दिले. कल्याण (पूर्व), ठाणे, महाराष्ट्र येथे राहणारा हा अल्पवयीन मुलगा असून मनपाडा पोलिस स्टेशनमध्ये हा मुलगा गायब झाल्याची तक्रार नोंद झाली होती.

या अल्पवयीन मुलासंबंधी अशी माहिती समोर आली आहे, की हा अल्पवयीन मुलगा 5 जानेवारी 2022 रोजी रात्री 10.30 वाजता महाविद्यालयात जाण्याच्या बहाण्याने घरातून पळून गेला. 6 जानेवारी 2022 रोजी रात्री 12 वाजता गोव्यात (goa) आला, त्यानंतर पणजी येथे एक दिवस या मुलाने घालवला आणि 7 जानेवारी रोजी मडगाव रेल्वे स्थानकावर आला. तपासा दरम्यान मनपाडा पोलिसांनी मडगाव रेल्वे स्थानकावर त्याचे लोकेशन ट्रेस केले. कोकण रेल्वे (Railways) स्थानकावर या मुलाबद्दल माहिती दिली, त्यानुसार आम्ही त्याचा शोध घेत मनपाडा पोलिसांच्या ताब्यात दिले असल्याचे कोकण रेल्वे स्थानकाचे पोलिस (police) निरीक्षक हिरू कवळेकर यांनी सांगितले.