Panaji News : ढवळीकर-आरजी कार्यकर्त्यांमध्ये धुमश्‍चक्री; बांदोड्यात काही काळ तणाव

Panaji News :

पणजी, पंचायत चलो’ अभियानाच्या बांदोडा येथील कार्यक्रमावेळी नगरनियोजन मंत्री विश्वजीत राणे यांच्यावर प्रश्नांचा भडिमार करण्याचा प्रयत्न करणाऱ्या ‘रिव्हॉल्युशनरी गोवन्स'' पक्षाच्या कार्यकर्त्यांना आमदार तथा वीजमंत्री सुदिन ढवळीकर यांनी रोखण्याचा प्रयत्न केल्याने घटनास्थळी काही काळ तणावाचे वातावरण निर्माण झाले.

यावेळी दोन्ही गटांमध्ये जबरदस्त बाचाबाची तर झालीच; पण शेवटी ‘आरजी’च्या कार्यकर्त्यांनी याप्रकरणी मंत्र्यांच्या विरोधात पोलिसांत तक्रारही दाखल केली आहे.

बांदोडा येथे शनिवारी हा प्रकार दुपारी घडला. ‘पंचायत चलो’ अभियानाचा कार्यक्रम सुरू असतानाच हा वाद उफाळून आल्याने एकच खळबळ उडाली. यावेळी नगरनियोजनमंत्री विश्वजीत राणे यांच्यासमोर या भागातील विविध पान ११ वर

मंत्र्यांना राग का आला?

वीजमंत्री ढवळीकर यांनी गळा आवळून जीवे मारण्याची धमकी दिल्याची तक्रार विश्‍वेश नाईक यांनी फोंडा पोलिस स्थानकात दिली आहे. मी फक्त प्रश्‍न विचारला होता; पण ढवळीकर यांना का राग आला ते ठाऊक नाही; पण असा प्रकार लोकशाहीसाठी लांच्छनास्पद असल्याचे विश्‍वेश नाईक यांनी म्हटले आहे.

दोनदा वादाला फुटले तोंड

मंत्री राणे हे ‘पंचायत चलो’ अभियान संपल्यानंतर निघून गेले. त्यानंतर सुदिन ढवळीकर पुन्हा आरजी कार्यकर्त्यांसमोर आल्यानंतर पुन्हा एकदा दोन्ही गटांमध्ये जोरदार बाचाबाची झाली. यावेळी ढवळीकर यांचे कार्यकर्ते मोठ्या संख्येने उपस्थित होते. याप्रकरणी ‘आरजी’च्या कार्यकर्त्यांनी फोंडा पोलिसांत तक्रार दाखल केली आहे.