Vaibhav Mangle At IFFI: वैभव मांगलेनी गोव्याचे केले कौतुक; म्हणाले की 'सुंदर वातावरणात....'

Vaibhav Mangle At IFFI 2024

पणजी: गोव्यात वाढत्‍या पर्यटनामुळे स्थानिकांसाठी निर्माण होणाऱ्या समस्या समजून घेऊन, जे नियम राज्य सरकारने लागू केले आहेत, ते योग्य आणि आवश्यक आहेत.

पर्यटकांचा स्थानिकांना अजिबात त्रास होऊ नये, असे मत मराठी अभिनेता, नाटककार आणि कलाकार वैभव मांगले यांनी व्यक्त केले. तसेच युवकांनी व्यसनाच्या आहारी जाऊ नये, असा संदेश दिला.

वैभव मांगले म्हणाले की, गोवा हा कोकणाचा भाग असूनही येथील वातावरण वेगळे असल्याचे नेहमीच जाणवते. गोव्याच्या सुंदर वातावरणात कला आणि पर्यटनाचा सुंदर संगम इफ्फीमुळे पाहण्यात आला.

अभिनायाव्यातिरिक्त मला चित्रकलेची आवड आहे. प्रत्येक कलाकारांनी इतर कलांवर देखील प्रेम करायला हवे. चित्रकला,नाटक आणि सिनेमा यांच्यातील परस्पर संबंधांवर भर देत मांगले यांनी प्रत्येक कलाकाराने इतर कलेला देखील प्रोत्साहन देण्याचे महत्त्व अधोरेखित केले. विशेषतः मराठी भाषेतील लिखाणाला अधिक प्रोत्साहन देण्याची गरज असल्याचे वैभव मांगले यांनी सांगितले.