Lairai Devi Jatra Utsav : लईराई देवीची जत्रा, मिलाग्रीस सायबिणीचे फेस्त एकाच दिवशी!

Lairai Devi Jatra Utsav : येथील सेंट जेरोम चर्चमध्ये मिलाग्रीस सायबिणीचे फेस्त तसेच शिरगाव येथील श्री देवी लईराईची जत्रा एकाच दिवशी साजरी होणार आहे.24 एप्रिल रोजी13 वर्षांनंतर यंदा हा फेस्त आणि जत्रा एकाच दिवशी येण्याचा हा सुवर्ण योग आला.

श्री लईराई देवी व मिलाग्रीस सायबीण या दोन्ही सख्ख्या बहिणी असल्याची भाविकांत श्रद्धा आहे. फेस्ताच्या दिवशी मिलाग्रीस सायबिणीला शिरगावहून देवस्थानतर्फे तेल, तर म्हापशाहून लइराई देवीला जत्रेच्या दिवशी सेंट जेरॉम चर्चतर्फे मोगरीची फुले भेट म्हणून पाठविली जातात.

ईस्टरच्या सणानंतर, तिसऱ्या सोमवारी दरवर्षी मिलाग्रीस सायबिणीचे फेस्त साजरे केले जाते. या फेस्ताच्या कालावधीतच देवी लईराईची जत्रा साजरी केली जाते. मात्र, यंदा जत्रा आणि फेस्त एकाच दिवशी साजरी होण्याचा सुवर्ण योग क्वचितच येतो. यापूर्वी 19 एप्रिल2010 रोजी एकाच दिवशी फेस्त आणि जत्रा साजरी झाली होती.1970 च्या दशकानंतर,2010 मध्ये म्हणजे 40 वर्षांनंतर फेस्त आणि जत्रा एकाच दिवशी साजरी झाली होती.

हिंदू-ख्रिश्चन बांधवांसाठी पर्वणी

देवी लईराई व मिलाग्रीस सायबिणीचे फेस्त हे एकाच दिवशी आल्याने भक्तांसाठी हा सुवर्ण योग मानल जात आहे.. देवी लईराई व मिलाग्रीस सायबिण या दोन्ही सख्ख्या बहिणीच. आणि दोन्ही बहिणींचा उत्सव एकाच दिवशी येणे म्हणजे, हिंदू व ख्रिश्चन बांधवांसाठी ही एक पर्वणीच. हा दिवस गोमंतकीयांसाठी आनंदोत्सवच आहे, असे म्हापशातील विठ्ठल-रखुमाई देवस्थानचे अध्यक्ष तुषार टोपले यांनी म्हटले आहे.