बेताळभाटी येथे कोल्ड स्टोरेज व मिनी सुपर मार्केटला आग लागून दीड लाखाची हानी झाली. शुक्रवारी ही घटना घडली होती. मडगाव अग्निशामक दलाच्या जवानांनी घटनास्थळी आग आटोक्यात आणून दीड लाखाची मालमत्ता वाचविली. आगीचे नेमके कारण स्पष्ट होऊ शकले नाही.
कोलवा पोलिसांनीही घटनास्थळी जाऊन या दुर्घटनेचा पंचनामा केला. दलाचे अधिकारी एस.पी. देसाई यांच्या मार्गदर्शनाखाली दलाच्या जवानांनी आग आटोक्यात आणली. पाण्याच्या एका बंत्राचा वापर करण्यात आला.
दरम्यान, दोन दिवसांपूर्वी पणजीतही अशीच घटना घडली. पणजी कांपाल येथे बांधकाम सुरू असलेल्या इमारतीच्या दुसऱ्या मजल्यावरील कचऱ्याला अकस्मात लागल्याने तेथील प्लास्टिक व थर्माकोल कचरा तसेच लाकडी सामान खाक झाली.
ही आग तेथे जळती सिगारेट टाकल्याने लागली असण्याचा संशय व्यक्त करण्यात येत आहे. ही घटना आज दुपारी 12.15 च्या सुमारास घडली.
याप्रकरणी इमारतीच्या मालकाने तक्रार दाखल केली नसल्याची माहिती पणजी अग्निशमन दलाचे अधिकारी एस. व्ही. नाईक यांनी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.