एका सरकारी शाळेतील शारीरिक शिक्षण विषय शिकवणाऱ्या शिक्षकाने त्याच शाळेतील एका अल्पवयीन मुलीचे अपहरण करून तिच्यावर बलात्कार केल्याची घटना उघडकीस आली आहे. पोलिसांनी संबंधितांविरुद्ध एफआयआर नोंदवला असल्याची प्राथमिक माहिती मिळाली आहे.
आरोपी जॉयराम कलिता याच्या खोलीत राहणाऱ्या एका मजूर महिलेवर लैंगिक अत्याचार केल्याप्रकरणी जॉयराम कलिता (मूळ. आसाम वय- 42 वर्ष) याला कलम 376 506(2) अन्वये अटक करण्यात आली आहे.
जयराम कलिता हा वेर्णा उद्योगांसाठी कामगार पुरवठादार आहे. 12 फेब्रुवारी रोजी आरोपीने तिच्यावर लैंगिक अत्याचार करून याविषयी अन्य कोणालाही सांगू नकोस अशी धमकी दिली होती. .
कुटुंबियांकडून सतावणूक करून घराबाहेर काढल्याने महिलेची पतीसह कुटुंबातील पाच जणांविरोधात डिचोली पोलिसात तक्रार. पोलिसांकडून गुन्हा नोंद. घटनेतील पिडीत महिला साखळीतील असल्याची माहिती प्राप्त
कळंगुट खोब्रावड्डो येथील हनुमान मंदिरामध्ये 13 फेब्रुवारीला दरोडा पडला होता. त्या संबंधी शोधकार्य सुरु असताना सीसीटीव्हीत एक अज्ञात व्यक्ती आढळून आलाय. त्या व्यक्तीने फंड पेटी आणि समईची लंपास केल्याचे समजतेय.
वेळूस देवस्थानाच्या महाजनांमध्ये वाद सुरु झाल्याने रवळनाथ देवस्थानाचा कालोत्सव बंद करण्याचा सत्तरी मामलेदारांनी आदेश दिला आहे.
व्हॅलेंटाईन डेला एकतर्फी प्रेमातून युवतीवर बाटलीने हल्लाप्रकरणी संशयित मंथन गावडे याला पाच दिवसांची पोलिस कोठडी.
उत्तर प्रदेश सरकारने जागा दिल्यानंतर अयोध्येत गोवा भवन उभारणार असल्याची माहिती मुख्यमंत्री प्रमोद सावंत यांनी दिली. मुख्यमंत्र्यांनी पत्नी सुलक्षणा सावंत यांच्यासह अयोध्येत श्री रामल्लाचे दर्शन घेत गोव्यातील जनतेसाठी प्रार्थना केली.
आरजीकडून आगामी लोकसभा निवडणुकीसाठी जाहीरनामा प्रसिद्ध. शुक्रवारपासून घरोघरी जाऊन प्रचार. म्हदई, कोळसा हबला विरोध, गोमन्तकीयांसाठी केंद्रीय नोकऱ्या, जमीन संरक्षण, स्थलांतरितांचा मुद्दा, पोगो, ST समाजाचे घटनात्मक हक्क, दुहेरी नागरिकत्व अशा मुद्यांचा या जाहीरनाम्यात समावेश आहे.
सरकारी खात्यात नोकरीचे आमिष दाखवून 18 जणांना 31 लाख रुपयांचा गंडा घातला आहे. आगशी पोलिसांनी संशयित जास डिकॉस्ता आणि ज्वेन्सी डायस या दोघां विरोधात गुन्हा दाखल केला आहे.
तिळारी धरण प्रकल्पाच्या मोठ्या जलवाहिनीला मेगा गळती. डिचोलीतील कातरवाडा परिसरातील प्रकार. मोठ्या प्रमाणावर पाणी वाहून जात असल्याने पाण्याची प्रचंड नासाडी. स्थानिकामध्ये संभ्रम.
वनमार्गे कर्नाटकात मद्याची तस्करी. तिरवाळ, खोतीगाव येथे पाच लाख किंमतीचे मद्य जप्त, आठजण ताब्यात. कोणकोण पोलिसांची कारवाई.
राष्ट्रीय महामार्ग NH 66 वरील पर्वरी उड्डाणपुलाच्या कामाला शुभारंभ. कंत्राटदाराकडून माती परिक्षण. नव्याने मंजूर हा उड्डाणपूल म्हापसा ते पणजी या दोन महत्वाच्या शहरांना जोडणार आहे.
राज्य सरकारातील मुख्यमंत्री प्रमोद सावंत यांच्यासह 20 आमदार व पदाधिकारी आयोध्याला रवाना झाले. रामलल्लाच्या दर्शनासाठी जाण्यापूर्वी त्यांनी मोपा विमानतळाबाहेर एकत्रित छायाचित्र काढले.
अडीच लाख किंमतीचा गांजा प्रकरण बाळगल्याप्रकरणी कोरगाव येथे शुभम समरनाथ शर्मा (27, रा. मुरमुसे तुये) व गोपीनाथ गुणाजी हरमलकर (25, रा. गावडेवाडा मोरजी) या दोघांना अटक केलीय. पेडणे पोलिसांनी बुधवारी (दिनांक 14) ही कारवाई केली.
पोरस्कडे येथे राष्ट्रीय महामार्ग 66 वर कंटेनर पलटी होऊन 100 मीटर अंतरावर जाऊन पडला. दरम्यान कोणतीही जीवित हानी झाली नसली तरी या पूर्वी या जंक्शनवर अनेक अपघात होऊन बळी गेले. या ठिकाणी सर्कल ,किंवा उड्डाण पुल उभारावा अशी मागणी होती, त्याकडे दुर्लक्ष करण्यात आले. एका टॅक्सी कारला वाचविण्याच्या नादात वाहन चालकाचा ताबा गेल्याने कंटेनचा अपघात झाला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.