लोकसभा निवडणुकीपूर्वी इंंधनाचे दर कमी होणार का? जाणून घ्या केंद्रीय मंत्री हरदीप सिंग पुरी काय म्हणाले

Goa Petrol-Diesel Price: लोकसभा निवडणुकीपूर्वी पेट्रोल-डिझेलच्या दरात कपात करण्याची शक्यता सरकारने फेटाळून लावली आहे.

भारत हा जागतिक स्तरावर वेगाने वाढणाऱ्या बाजारपेठांपैकी एक आहे. तसेच ऊर्जेची गरजही वाढली आहे, असे पेट्रोलियम आणि नैसर्गिक वायू मंत्री हरदीप सिंग पुरी नवी दिल्ली येथे आयोजित पत्रकार परिषदेत म्हणाले.

जगभरात विकसित आणि शेजारील देशांमध्येही इंधनाच्या दरात वाढ झाल्याचे दिसून आले आहे. पण भारतात इंधनाच्या किमती स्थिर राहिल्या आहेत.

'दक्षिण आशियाई देशांमध्ये पेट्रोल आणि डिझेलच्या किमती 40 ते 80 टक्क्यांनी वाढल्या आहेत. पाश्चात्य देशांवर नजर टाकली तर तिथेही किमती वाढल्या आहेत. मात्र भारतातील भाव आधीच खाली आले आहेत, असे पुरी म्हणाले.

‘दुसरीकडे, भारत हा जगातील एकमेव देश होता जिथे प्रत्यक्षात दोनदा नोव्हेंबर २०२१ आणि मे २०२२ मध्ये किमती कमी केल्या गेल्या.

सध्या भारत हा जगातील ऊर्जा, तेल आणि एलपीजीचा तिसरा सर्वात मोठा ग्राहक आहे. एलएनजी आयातदार, रिफायनर आणि ऑटोमोबाईल मार्केटमध्ये भारत हा जगातील चौथा सर्वात मोठा देश बनला आहे. म्हणजे भारतातील ऊर्जेची गरज खूप जास्त आहे, असे मंंत्री म्हणाले.

'जागतिक स्तरावर तेलाच्या किमतीतील प्रचंड अस्थिरता पाहता सरकारला इंधनाच्या किमतीत कोणतीही कपात करणे कठीण आहे आणि त्यामुळे सध्या OMC सोबत किंमत कपातीबाबत कोणतीही चर्चा नाही,' असे पुरी यांनी स्पष्ट केले.