वाळपई: वाळपईतील प्रसिद्ध वेळूस पुलावर सोमवार (दि. ४ ऑगस्ट) दुपारी १२:१५ वाजण्याच्या सुमारास एका व्यक्तीने पुलावरून खाली नदीत उडी मारून आत्महत्या करण्याचा प्रयत्न केला. घटना घडताच पुलावरून जात असलेल्या स्थानिक नागरिकांनी तत्काळ प्रसंगावधान राखत मदतीसाठी धाव घेतली. काही तरुणांनी जिवाची पर्वा न करता पाण्यात उडी मारून त्या व्यक्तीला बाहेर काढले. योग्य वेळी दिलेल्या मदतीमुळे मोठा अनर्थ टळला आणि त्याचा जीव वाचवण्यात यश आले.