सेंट फ्रान्सिस झेवियर प्रकरणात सुभाष वेलिंगकर यांची शुक्रवारी (11 ऑक्टोबर) सलग दुसऱ्या दिवशी डिचोली पोलिसांकडून सुमारे तीन तास चौकशी करण्यात आली. गुरुवारप्रमाणेच वेलिंगकर यांची शुक्रवारीही बंद दरवाजाआड चौकशी करण्यात आली. वेलिंगकर यांची नेमक्या कोणत्या कोनातून चौकशी केली, त्याची माहिती मिळू शकली नाही. मात्र, चौकशी दरम्यान वेलिंगकर यांनी तपास अधिकाऱ्यांना योग्य ते सहकार्य केल्याची सूत्रांकडून माहिती मिळाली आहे.