कॅश फॉर जॉब प्रकरणी रोज नव-नवे खुलासे होत आहेत. दुसरीकडे या प्रकरणावरुन राज्यातील राजकीय वातावरण चांगलंच तापलं आहे. विरोधकांनी अधिक आक्रमकरित्या सावंत सरकारवर हल्लाबोल करत आहेत. या प्रकरणात तात्काळ न्यायालयीन चौकशी करण्यात यावी अशी मागणी विरोधकांकडून केली जात आहे. यातच गोवा फॉरवर्ड पक्षाचे सर्वेसर्वा आणि आमदार विजय सरदेसाई यांनी पुन्हा एकदा सावंत सरकारला निशाण्यावर घेतले. सावंत सरकारला सत्तेत राहण्याचा काही एक नैतिक अधिकार नसल्याची टीका सरदेसाई यांनी केली.