Alia Bhatt-Mahesh Babu: अभिनेत्री आलिया भट्ट नुकत्याच प्रदर्शित झालेल्या 'ब्रह्मास्त्र' चित्रपटाचे यश आणि तिच्या प्रेग्नेंसीचा पुरेपूर आनंद घेत आहे. पण आता आलियाच्या चाहत्यांसाठी आणखी एक मोठी बातमी येत आहे. मीडिया रिपोर्ट्सनुसार, महेश बाबूसोबत एसएस राजामौली यांच्या 'SSMB29' चित्रपटात मुख्य भूमिकेसाठी आलियाशी संपर्क साधण्यात आला आहे. हा चित्रपट आलियासाठी टॉलिवूडमधील परफेक्ट डेब्यू ठरेल असे म्हणणे चुकीचे ठरणार नाही. याआधी तिने राजामौली यांच्या 'आरआरआर' चित्रपटातही काम केले होते, परंतु त्यामध्ये तिची भूमिका खूपच छोटी होती. ही बातमी खरी ठरली तर आलिया महेश बाबूसोबत मुख्य अभिनेत्री म्हणून काम करणार आहे.
प्रसूतीनंतर शूट होईल
मीडिया रिपोर्ट्सनुसार, महेश बाबूसोबत (Mahesh Babu) एसएस राजामौलीच्या 'SSMB29' चित्रपटासाठी आलियाला अप्रोच करण्यात आले आहे. आलियाच्या प्रसूतीनंतर लवकरच या चित्रपटाचे शूटिंग सुरु होणार आहे. या बातमीने आलियाचे चाहते खूपच खूश आहेत. राजामौली यांच्या चित्रपटात (Movie) आलियाला पुन्हा एकदा पाहण्यासाठी चाहते उत्सुक आहेत. याशिवाय महेश बाबू आणि आलियाची फ्रेश जोडी देखील प्रेक्षकांच्या आनंदाचे कारण आहे. मात्र, या चित्रपटाच्या कलाकारांबाबत निर्मात्यांकडून अद्याप अधिकृत घोषणा करण्यात आलेली नाही.
आलिया डिसेंबरमध्ये प्रसूत होणार आहे
त्याच वेळी, जर आलियाच्या प्रेग्नेंसीबद्दल बोलायचे झाल्यास, तिची डिलिव्हरी डिसेंबरच्या शेवटी होऊ शकते. नीतू कपूरने आपल्या सुनेसाठी खास लेडीज बेबी शॉवर होस्ट करण्याची योजना आखली आहे. याशिवाय, आलियाने तिच्या पहिल्या हॉलीवूड चित्रपट 'हार्ट ऑफ स्टोन्स' चे शूटिंग पूर्ण केले आहे, ज्यामध्ये ती गॅल गॅडोट सोबत दिसणार आहे. तसेच आलिया करण जोहरच्या (Karan Johar) आगामी 'रॉकी और रानी की प्रेम कहानी' या चित्रपटात रणवीर सिंगसोबत दिसणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.