शाहरुख खानचा 'पठाण' या वर्षी बॉक्स ऑफिसवर जोरदार हिट ठरला आहे आणि नेमकी याच दिवसाची वाट गेले काही दिवस बॉलिवूड खूप दिवसांपासून आसुसले होते. 'पठाण'चा रंग सलग 11व्या दिवशीही फिका पडलेला नाही आणि त्याची मोहिनी अधिक काळ टिकणार आहे असंच सध्याचं चित्र आहे. 

शाहरुख खान, दीपिका पदुकोण आणि जॉन अब्राहम स्टारर चित्रपटाने त्याच्या दुसऱ्या शनिवारी देखील चांगली कमाई केली आहे आणि ही आकडेवारी लोकांना आश्चर्यचकित करणारी आहे.

बॉक्स ऑफिस इंडियाच्या अहवालानुसार, सिद्धार्थ आनंद दिग्दर्शित 'पठाण'ने शनिवारी म्हणजेच 11व्या दिवशी सुमारे 21.50-22 कोटी रुपयांची कमाई केली आहे. सुरुवातीच्या अंदाजानुसार, शनिवारी चित्रपटाच्या कमाईत 65-70% वाढ झाली.

 यासह, चित्रपटाने देशभरात हिंदीमध्ये 383 कोटी रुपयांहून अधिक कमाई केली आहे आणि इतक्या दिवसात 374 कोटींची कमाई करणाऱ्या 'दंगल'लाही मागे टाकले आहे. आता 'पठाण' हा सर्वाधिक कमाई करणारा हिंदी चित्रपट ठरला आहे. रविवारपर्यंत हा चित्रपट 400 कोटींचा बेंचमार्क गाठेल अशी अपेक्षा आहे आणि असे करणारा हा पहिला मूळ चित्रपट ठरेल.

शनिवारी मल्टिप्लेक्स आणि बिगर मल्टीप्लेक्स अशा दोन्ही ठिकाणी ही आकडेवारी वाढली. मात्र, रिलीज होण्यापूर्वीच 'पठाण' दररोज नवनवे रेकॉर्ड बनवत आहे. हा चित्रपट शाहरुख खान, दीपिका, जॉन आणि दिग्दर्शक सिद्धार्थ आनंद यांचा सर्वाधिक कमाई करणारा डेब्यू चित्रपट ठरला आहे.