मंगळवारी कान्स फिल्म फेस्टिव्हलमध्ये रेड कार्पेटवर चालणारा नवाजुद्दीन सिद्दीकी (Nawazuddin Siddiqui) 'लक्ष्मण लोपेझ' नावाच्या अमेरिकन इंडी चित्रपटात दिसून येणार आहे. ख्रिसमसवर आधारित हा चित्रपट रॉबर्टो गिरॉल्ट दिग्दर्शित करणार असून वर्षाच्या अखेरीस अमेरिकेत त्याचे शूटिंग सुरू होऊ शकते. (Laxman Lopez Nawazuddin Siddiqui to play the lead role in an American film)

यावेळी बोलताना नवाजुद्दीन म्हणाला की, "सुरुवातीसाठी, ख्रिसमस चित्रपटात काम करण्याची संधी काही वेगळी असते. दिग्दर्शक रॉबर्टो जिरॉल्टने कॅमेरावर आपली शक्ती आणि कमांड दाखवली. त्याने नवीन बाजू शोधल्या. सर्वात महत्त्वाचे म्हणजे, 'लक्ष्मण लोपेझ' नावाने मला उत्सुकता निर्माण केली आहे."

त्याच वेळी रॉबर्टोने सांगितले की, "जेव्हा मी पहिल्यांदा स्क्रिप्ट वाचली, तेव्हा 'लक्ष्मण लोपेझ' साठी कॅरेक्टर शोधायला सुरुवात केली आणि माझ्या मनात नवाजुद्दीनचा विचार आला. मी त्याचे काही काम पाहिले आहे आणि मला माहित आहे की ही महत्वाची भूमिका होती.

मंगळवारी, नवाजुद्दीन रेड कार्पेटवर दिसून आला कारण तो माहिती आणि प्रसारण मंत्री अनुराग ठाकूर यांच्या नेतृत्वाखालील शिष्टमंडळाचा भाग देखील होता. नवाजुद्दीनच्या नवीन हॉलिवूड चित्रपटाची बातमी Reddit वर शेअर होताच त्याच्या काही चाहत्यांनी त्यावर प्रतिक्रिया दिल्या आहेत.

एका चाहत्याने टिप्पणी केली आहे की, “तो एक उत्कृष्ट अभिनेता आहे ज्याने अलिकडच्या वर्षांत भयानक चित्रपट आणि OTT चित्रपटांमध्ये आपली कलाकुसर केली आहे. मला आशा आहे की यामुळे त्याच्यासाठी काही गोष्टी बदलणार आहे." चाहत्यांनी नंतर सांगितले की, "मला त्याला मंटो किंवा सेक्रेड गेम्स सारख्या काही छान गोष्टी करताना देखील बघायचे आहे."