पठानने रिलीजच्या दिवसापासुन आपला जलवा कायम राखला आहे. शाहरुख खानच्या 'पठाण' चित्रपटाची क्रेझ त्याच्या चाहत्यांमध्ये रिलीज झाल्यापासून कायम आहे. चार वर्षांनंतर 'पठाण' च्या माध्यमातून शाहरुख खानच्या पुनरागमनाने सर्वांची मने जिंकली आहेत आणि हा चित्रपट दररोज नवनवीन रेकॉर्ड बनवत आहे. 

शाहरुख खान देखील ट्विटरच्या माध्यमातून त्याच्या चाहत्यांशी जोडला जातो आणि अनेकदा एसआरके सेशन करून त्यांच्या प्रश्नांची उत्तरेही देतो. आता आता किंग खानने एका चिमुरडीच्या 'पठाण' न आवडल्याच्या व्हिडिओवर प्रतिक्रिया दिली आहे

खरं तर, एका तरुणाने ट्विटरवर एक व्हिडिओ शेअर केला आहे, ज्यामध्ये तो तरुणीला विचारतो, 'कोणता सिनेमा पाहून अहाना आली?' यावर मूलगी 'पठाण' असे उत्तर देते. पण तिला पठाण आवडला का असे विचारल्यावर ती 'नाही' म्हणते. 

यानंतर तरुणाने याचे कारण विचारतो आणि व्हिडिओ संपतो. हा व्हिडिओ शेअर करताना शाहरुख खानला टॅग करण्यात आले आहे. यावर शाहरुखनेही आपली प्रतिक्रिया दिली आहे.

या व्हिडिओवर शाहरुख खानने आता एक मजेशीर उत्तर दिले आहे, ज्याला सोशल मीडिया यूजर्सकडून पसंती मिळत आहे. किंग खानने लिहिले,

'अरे ओह...!! तुम्हाला अजून जास्त प्रयत्न करावे लागतील. ड्रॉइंग बोर्डकडे परत जा. लहान प्रेक्षकांना मी निराश करू शकत नाही. शेवटी हा देशातील तरुणांचा प्रश्न आहे. कृपया DDLJ बघा, कदाचित ही रोमँटिक टाईपची असेल... आपण मुलांना समजुन घेऊ शकत नाही.' शाहरुखच्या या उत्तराने नेटीझन्स मात्र खुष झालेत हे नक्की.