शाहरूख आणि दीपिकाचा 'ओम शांती ओम' चित्रपट 2007 मध्ये थिएटरमध्ये प्रदर्शित झाला होता. आज या चित्रपटाच्या रिलीजला 15 वर्षे पूर्ण झाली आहेत, याचसोबत दीपिकानेही हिंदी चित्रपटसृष्टीत 15 वर्षे पूर्ण केली आहेत. अभिनेत्री दीपिका पदुकोणने बॉलिवूडचा बादशाह म्हणजेच शाहरुख खानसह या चित्रपटाद्वारे पदार्पण केले आणि पहिल्याच चित्रपटापासून लोकांच्या हृदयात एक वेगळी प्रतिमा निर्माण केली.

दीपिका पदुकोणने बॉलिवूडमध्ये 15 वर्षे पूर्ण केल्या निमित्ताने शाहरुख खानने दीपिकाला खास शुभेच्छा दिल्या आहेत. शाहरुख खानने त्याच्या इंस्टाग्रामवर चित्रपटांमधील विविध दृश्यांचा कोलाज शेअर केला आहे, ज्यामध्ये दीपिका आणि शाहरुख चित्रपटांमधील वेगवेगळ्या दृश्यांमध्ये एकमेकांच्या डोळ्यात पाहताना दिसत आहेत.

"अप्रतिम 15 अप्रतिम वर्षे... चिकाटी... तुझ्यासोबत अप्रतिम कामाची... उबदार मिठी. अजूनही तुझ्याकडे पाहत आहे आणि तुला पाहत आहे.. आणि अजूनही तुझ्याकडे पाहत आहे….असे कॅप्शन शाहरुख खानने या फोटोला दिले आहे.

शाहरुख खानच्या या पोस्टवर दीपिका पदुकोणनेही हृदयस्पर्शी प्रत्युत्तर दिलेआहे. शब्द आमच्या प्रेमाचे वर्णन करू शकत नाहीत. अशी प्रतिक्रिया दीपिकाने दिली आहे. दीपिकाने शाहरुख खानसोबत 'ओम शांती ओम' चित्रपटातून बॉलिवूडमध्ये पदार्पण केले. त्यानंतर दीपिका पदुकोणने त्याच्यासोबत 'चेन्नई एक्सप्रेस' आणि 'हॅपी न्यू इयर'मध्ये काम केले आहे. आता 'पठाण' चित्रपटात दोघे एकत्र दिसणार आहेत.