नाशिक: विरोधकांकडे मोदी विरोधात सक्षम चेहरा नाही असे म्हणणे चुकीचे आहे असे सांगत राष्ट्रवादी काँग्रेसचे (NCP) नेते शरद पवार (Sharad Pawar) यांनी आणीबाणीचा दाखला दिला आहे. सद्या शरद पवार दोन दिवशीय नाशिक दौऱ्यावर आहेत. निफाड मध्ये आज झालेल्या पत्रकार परिषदेत ते बोलत होते.
पवार म्हणाले, मोदी (Modi) विरोधात विरोधकांकडे सक्षम असा चेहरा नाहीच? या प्रश्नावर पवार म्हणाले, इंदिरा गांधींनी (Indira Gandhi) आणीबाणी लावली होती, त्यावेळी त्यांच्या विरोधात नेतृत्व नव्ते. परंतु त्या शक्ती मोरारजी देसाई यांच्या मागे उभ्या राहिल्या आणि नेतृत्व उभे राहिले. यामुळे विरोधकांकडे चेहरा नाही असे म्हणता येणार नाही. असे शरद पवार म्हणाले.
तसेच, इडीच्या (ED) कारवाई संदर्भात बोलताना शरद पवार म्हणाले की, काही ठराविक अधिकाऱ्यांना घेऊन काही ठराविक व्यक्ती किंवा विचारधारेंच्या लोकांनाच कसा त्रास देता येईल हे सध्याच्या राज्यकर्त्यांचा दृष्टिकोन दिसून येत आहे.
धाडी टाकणे, चौकशा करणे हा आता रोजचाच एक भाग झाला आहे. यासाठी अधिकाऱ्यांचा वापर केला जात आहे. विशिष्ट अधिकाऱ्यांची (officers) विशिष्ट ठिकाणी नियुक्ती केली जातेय. तसेच त्यांना मुदतवाढ दिली जातेय. आम्ही आता त्याबाबतची चिंता सोडून दिली आहे. सुरुवातीला काही दिवस आम्ही अस्वस्थ होत होतो. परंतु आता या सगळ्याला सामोरे जायची मानसिकता तयार झाली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.