कधी तुम्ही ट्रॅफिकमध्ये अडकलेले असताना रस्त्यावरून जाणाऱ्या टँकरकडे पाहून विचार केला आहे का, टँकर नेहमी गोलच का असतो? कधी तुम्ही त्रिकोणी किंवा चौकोनी टँकर पाहिला आहे का? कदाचित नाही. पण असं का? टँकरचा आकार इतका महत्त्वाचा का आहे, याचा विचार केला आहे का? खूप लोकांच्या मनात हा प्रश्न येतो, आणि आज आपण याचं उत्तर शोधणार आहोत. पाणी, दूध, पेट्रोल किंवा इतर द्रवपदार्थ वाहून नेणाऱ्या टँकरचा गोल आकार कसा आणि का ठरतो, यामागचं विज्ञान समजून घेऊ.
पाणी, दूध किंवा पेट्रोल यांसारखे द्रव पदार्थ ज्या कंटेनरमध्ये ठेवले जातात, त्यावर सगळीकडून दाब निर्माण होतो. गोलाकार टँकरमध्ये हा दाब समान रीतीने वितरित होतो, ज्यामुळे कुठल्याही एका भागावर अधिक जोर येत नाही. दाबाचा हा समतोल वितरण टँकरची मजबूती वाढवतो यामुळे टँकर फुटण्याची किंवा गळती होण्याची शक्यता कमी होते. याउलट, चौकोनी किंवा त्रिकोणी कंटेनरमध्ये कोपऱ्यांवर दाब जास्त प्रमाणात साठतो, ज्यामुळे तडे जाण्याची शक्यता वाढते.
गोलाकार टँकरचा आणखी एक महत्त्वाचा फायदा म्हणजे त्यात जास्त जागा उपलब्ध होते. गोलाकार रचना, इतर आकारांच्या तुलनेत, कमी परिमितीत अधिक द्रवपदार्थ साठवण्यासाठी उपयुक्त ठरते.
त्यामुळे मोठ्या प्रमाणात द्रव वाहतूक करण्यासाठी गोल टँकर अधिक कार्यक्षम ठरतो. तसेच, गोलाकार टँकर स्वच्छ करणेही सोपे असते. त्यात कोपरे नसल्यामुळे साफसफाई करताना कोणताही अवशेष राहात नाही. हे दूध किंवा पाणी यांसारख्या द्रव पदार्थ वाहून नेण्यासाठी अतिशय महत्त्वाचं असतं.
सुरक्षिततेच्या दृष्टीने पाहिलं तर, गोलाकार टँकर अधिक स्थिर असतो. वाहन चालताना टँकरमधील द्रव समान रीतीने राहतो, ज्यामुळे असंतुलन किंवा अपघात होण्याचा धोका कमी होतो. टँकरचा गोल आकार हा निव्वळ योगायोग नाही, तर विचारपूर्वक केलेल्या अभियांत्रिकी डिझाईनचा परिणाम आहे. हा आकार टँकरला मजबूत बनवतो, अधिक क्षमता प्रदान करतो, साफसफाई सुलभ करतो, आणि सुरक्षितताही सुनिश्चित करतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.