भारतासह जगभरात आज 8 मे हा दिवस मदर्स डे (Mother's Day) साजरा केला जात आहे. या खास दिवसानिमित्त गूगलनेही (Google) खास गूगल डूडल (Google Doodle) लॉंच केले आहे. जगातील सार्‍या आईपण जपणार्‍या महिलांसाठी आजचं खास गूगल डूडल समर्पित करण्यात आलं आहे. आई आणि मुलाचं जिव्हाळ्याचं नातं गूगल डूडल मध्ये सुंदरतेने सादर करतांना दिसत आहे. (Mother's Day 2022 Google Doodle news)

गूगलने शेअर केलेल्या GIF मध्ये बदलणार्‍या आजच्या गूगल डूडलमध्ये आई मूलाला शिक्षणाचे, पाणी जपून वापरण्याचे आणि वृक्षलागवडीचे संदेश देत असल्याचे पहायला मिळाले आहे. यामधून आई-मुलाचे गोड नातं पहायला मिळत आहे.

1908 मध्ये अमेरिकेचे राष्ट्रपती वुड्रो विल्सन यांनी एक कायदा बनवला, ज्या अंतर्गत दरवर्षी मे महिन्याच्या दुस-या रविवारी 'मदर्स डे' (Mothers Day) साजरा केला जातो. मदर्स डे हा अमेरिकेमध्ये 'Honoured National Holiday' म्हणून ओळखला जातो. पण सर्वत्र पब्लिक हॉलिडे नसतो. प्रत्येक देशामध्ये मदर्स डे साजरा करण्याची तारीख वेगवेगळी आहे. पण मे महिन्यातील दुसरा रविवार हा मदर्स डे जगात 50 देशांमध्ये साजरा केला जातो. भारतामध्ये आजच्या दिवशी मदर्स डे साजरा केला जात आहे.