बीबीएल 2024-25 चा अंतिम सामना होबार्ट हरिकेन्स आणि सिडनी थंडर यांच्यात रंगला होता. मात्र या सामन्यात होबार्ट हरिकेन्सने बाजी मारली. सिडनी थंडरचा दारुन पराभव करत हरिकेन्स संघानं बीबीएलचा किताब पहिल्यांदाच आपल्या नावावर केला.
होबार्टकडून मिचेल ओवेनने तूफानी शतक झळकावून त्यांना विजय मिळवून दिला.
होबार्ट हरिकेन्सचा कर्णधार नॅथन एलिसने नाणेफेक जिंकून पहिल्यांदा गोलंदाजी करण्याचा निर्णय घेतला होता. सिडनी थंडर संघाने सामन्यात पहिल्यांदा फलंदाजी करत 182 धावा काढल्या. ज्याला प्रत्युत्तरादाखल होबार्ट हरिकेन्स संघाने लक्ष्याचा सहज पाठलाग केला.
मिचेल ओवेनने एक अद्भुत कामगिरी केली. त्याने डावाच्या सुरुवातीपासूनच शानदार फलंदाजी केली आणि केवळ 16 चेंडूत अर्धशतक पूर्ण केले. त्याने आपल्या दमदार खेळीने संघाच्या विजयाचा पाया रचला.
अर्धशतक झळकावल्यानंतरही तो थांबला नाही. त्याने त्याची विस्फोटक फलंदाजी सुरुच ठेवली. त्याने बिग बॅश लीगच्या इतिहासातील सर्वात जलद शतक झळकावले. त्याने 39 चेंडूत शतक झळकावून ख्रिस सिमन्सची बरोबरी केली. त्याने बीबीएलमध्ये 39 चेंडूत शतकही केले होते.
मिचेल ओवेनने सामन्यात 42 चेंडूत 108 धावा काढल्या, ज्यात 6 चौकार आणि 11 षटकारांचा समावेश आहे. आपल्या वादळी खेळीने त्याने सामना एकतर्फी केला आणि होबार्ट हरिकेन्सला जेतेपद मिळवून दिले. त्याच्याशिवाय मॅथ्यू वेडने 17 चेंडूत 32 धावा केल्या. होबार्टच्या संघाने अवघ्या 14 षटकांत लक्ष्याचा पाठलाग केला.
होबार्ट हरिकेन्सकडून रिले मेरेडिथने 4 षटकांत 27 धावा देत 3 बळी घेतले. त्याच्याशिवाय, नॅथन एलिसने 4 षटकांत 23 धावा देत 3 बळी घेतले. या खेळाडूंमुळे सिडनी थंडरला मोठी धावसंख्या उभारता आली नाही.
सिडनी थंडर संघाकडून जेसन संघाने सर्वाधिक 67 धावांची खेळी केली. त्याच्याशिवाय डेव्हिड वॉर्नरने 48 धावा केल्या. ऑलिव्हर डेव्हिसने 26 धावांचे तर ख्रिस ग्रीनने 26 धावांचे योगदान दिले.या चौघांच्या खेळीच्या जोरावर सिडनी संघ 20 षटकांत 7 गडी गमावून 182 धावा करु शकला.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.