Goa Railway: काणकोण रेल्वे स्थानकावर गाड्या थांबवण्याची शिफारस करणारे निवेदन भाजप काणकोण ब्लॉक कमिटीने सभापती रमेश तवडकर यांना सादर केले.
यावेळी आपण लवकरच दिल्लीला जाऊन संबंधित अधिकाऱ्यांशी या विषयी चर्चा करू असे आश्वासन सभापती रमेश तवडकर यांनी दिले.
काही दिवसांपूर्वी काणकोण रेल्वे स्थानकावर कोविड महामारीपूर्वी ज्या लांब पल्ल्याच्या रेल्वे गाड्या थांबा घेत होत्या त्या रेल्वे गाड्यांना पूर्ववत थांबा द्या, अशी मागणी मान्य करून घेण्यासाठी येथील ज्येष्ठ नागरिकांनी रेल्वे स्थानकावर उपोषणाला सुरुवात केली होती.
ज्येष्ठ नागरिकांनी उपोषणाचा बडगा उचलल्यानंतर काणकोणचे मामलेदार मनोज कोरगावकर यांनी त्याची गंभीर दखल घेत काणकोण रेल्वे स्थानकावर रेल्वेचे अधिकारी सुनील नारकर यांना बोलावले होते.
त्यावेळी नारकर यांनी रेल्वेच्या उच्च अधिकाऱ्यांकडे सदरची बाब पोहिचवली होती. त्यानंतर आता सभापती रमेश तवडकर यांनी आपण लवकरच दिल्लीला जाऊन संबंधित अधिकाऱ्यांशी या विषयी चर्चा करू असे आश्वासन दिलेय.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.