Goa Police : गोवा पोलीस खात्यातील पोलीस उपनिरीक्षकांसह कर्मचाऱ्यांनी तडकाफडकी बदली करण्यात आली आहे. याबाबतचे तीन वेगवेगळे आदेश काल जारी करण्यात आले आहेत.

या जारी करण्यात आलेल्या आदेशामध्ये 50 पोलीस उपनिरीक्षकांसह 111 कर्मचाऱ्यांच्या बदलीचे आदेश आहेत. पोलीस स्थापना मंडळाच्या शिफारशीनुसार पोलीस मुख्यालयाचे अधीक्षक सुनीता सावंत यांनी आदेश जारी केले आहे.   

आदेशानुसार, पोलीस खात्यातील 50 उपनिरीक्षकांची बदली करण्यात आली आहे. यात 9 महिला पोलीस उपनिरीक्षकांचा समावेश आहेत. याशिवाय 37 सहाय्यक उपनिरीक्षकांची बदली करण्यात आली आहे.

यात 8 महिला सहाय्यक उपनिरीक्षकांचा समावेश आहेत. याशिवाय 24 इतर पोलीस कर्मचाऱ्यांची बदली करण्यात आली आहे. यात 1 सहाय्यक उपनिरीक्षक (वायरलेस ऑपरेटर), 4 हवालदार (आरटीओ), 2 हवालदार (चालक) आणि 17 पोलीस चालकांचा समावेश आहे.