वास्को: शनिवारी पहाटे गांधीनगर मांगुरहिल येथे चौपदरी मार्गावर कार विजेच्या खांबावर धडक देऊन वीज खांब आडवा केला. अपघात कसा काय घडला व कार मधील प्रवासी जखमी झाले की नाही हे कळू शकले नाही.

(The car hit the electric pole in Goa)

शुक्रवारी शिरदोण येथील नवीन फ्लाय ओवर वर दुपारी बीएमडब्ल्यू कारने तीन पथदिव्यांचे नुकसान केल्याचा विचित्र अपघातानंतर आज आणखी एका अपघातात गांधीनगर मांगोरील येथे वेगवान कारने चौपदरी मार्गावर पहाटे दुभाजकामध्ये असलेल्या खांबाला जोरदार धडक दिली. सदर धडक इतकी जबरदस्त होती की या धडकेत सदर वीज खांब मुळापासून उन्हाळून रस्त्यावर आडवा झाला. यात कारचे मोठ्या प्रमाणात नुकसान झाले. सदर अपघातग्रस्त कार कोणत्या दिशेने जात होती आणि कारमधील प्रवासी जखमी झाले की नाही हे कळू शकले नाही.