Margao News :

सासष्टी, केंद्र सरकारच्या सहकार मंत्रालया अंतर्गत राष्ट्रीय सहकार विकास महामंडळाचा क्षेत्रीय उत्कृष्टता पुरस्कार २०२३ दक्षिण गोवा जिल्हा मडगाव स्कूल कॉम्प्लेक्स पतपेढीला प्राप्त झाला.

पतपेढीचे चेअरमन बाबाजी सावंत यांच्या कुशल नेतृत्वामुळे हा प्रतिष्ठेचा पुरस्कार प्राप्त झाला.सहकार चळवळीला दिलेल्या योगदानाच्या आधारे हा पुरस्कार दिला जातो.

दक्षिण गोव्यात बाबाजी सावंत यांच्या मार्गदर्शनाखाली मडगाव स्कूल कॉम्प्लेक्स पतपेढीने सहकार विकासाल चालना देण्यासाठी नवीनतम कल्पनांचा उपयोग केला व अनुकरणीय वचनबद्धता दर्शवली.

हा पुरस्कार मिळाल्याबद्दल चेअरमन बाबाजी सावंत यांनी पतपेढीचे भागधारक, सदस्यांची मनापासून कृतज्ञता व्यक्त केली.

बाबाजी सावंत म्हणाले, २० मार्च रोजी पतपेढीला ४५ वर्षे पूर्ण झाली. त्याच बरोबर ३६ भागधारकांना सुरू केलेल्या या पतपेढीचे आता २२०० भागधारक असून ३.७५ कोटी रुपया भाग भांडवल आहे.

बाबाजी सावंत यांनी या पुरस्काराचे श्रेय माजी व सध्याच्या सदस्यांना दिले आहे.