पणजी : ‘कोविड’ महामारीमुळे बेमुदत स्थगित ठेवलेली जिल्हा पंचायत निवडणूक शनिवार १२ डिसेंबरला, तसेच १४ रोजी मतमोजणी होईल, अशी शक्‍यता आहे. त्‍यासंदर्भातील अधिसूचना आज जारी होण्‍याची शक्‍यता आहे. तत्‍पूर्वी राज्‍य निवडणूक आयोगाने जिल्‍हा पंचायत निवडणुका १२ डिसेंबरला घेण्‍याचा प्रस्ताव राज्य निवडणूक आयोगाने निवडणुकीसाठीच्या पूर्व तयारीसंदर्भात आढावा बैठक घेतल्यानंतर गोवा सरकारला दिला होता. सरकार याबाबत शनिवारी निर्णय घेणार आहे. यासंदर्भात ‘दैनिक गोमन्‍तक’ने निवडणूक शक्‍यतेबाबत वृत्त प्रसिद्ध केले होते.