Pernem News : पेडणे, येथे पेडणे तालुका पातळीवरील मैदानी खेळ क्रीडा संकुल बांबोळी येथे झाले. यात विद्यार्थ्यांनी यंदाही उत्कृष्ट कामगिरी बजावली.

लोकशिक्षण हायस्कूलचा १४ वर्षांखालील विद्यार्थी लकी धरणे यांनी उंच उडी व लांब उडीमध्ये सुवर्णपदक पटकावले, तर प्राची वीर हिने १०० मी. धावण्याच्या १४ वर्षांखालील मुलींच्या स्पर्धेत सुवर्ण पदक मिळविले.

१७ वर्षांखालील धावण्याच्या मुलींच्या गटात गौरी वाघ हिने १५०० मी. धावणे स्पर्धेत तृतीय, व ३ हजार मी. धावण्याच्या स्पर्धेत द्वितीय पारितोषिक मिळवले. याच स्पर्धेत १७ वर्षांखालील मुलांच्या गटात योगेश जाधव याने ३ हजार मीटर धावण्याच्या स्पर्धेमध्ये द्वितीय पारितोषिक मिळाले.

तर भावेश अमेरकर याने हातोडा फेक स्पर्धेमध्ये द्वितीय पारितोषिक मिळविले. या निवडीमुळे बांबोळी क्रीडा संकुल येथे जिल्हा पातळीवर होणाऱ्या मैदानी खेळामध्ये विद्यार्थ्यांची निवड झाली आहे.

या कामगिरीबद्दल संस्थेचे अध्यक्ष विकास प्रभुदेसाई, मुख्याध्यापिका जस्मिनी मांद्रेकर, व्यवस्थापक मनोज कुलकर्णी, उपाध्यक्ष प्रकाश धुमाळ, पीटीए अध्यक्ष सिद्धेश धारगळकर, सर्व शिक्षक-पालक, ग्रामस्थांतर्फे शारीरिक शिक्षक किशोर किनळेकर यांनी विद्यार्थ्यांचे कौतुक केले.