पणजी: गोव्यात(Goa) काल शुक्रवारी रात्री साडेआठ वाजल्यापासून रात्री उशीरापर्यंत अनेक ठिकाणी वादळी वाऱ्यासह जोरदार पाऊस(Rain) पडला. गेल वादळ राज्यात धडकणार असल्याच्या पार्श्वभूमीवर रात्री उशिरापर्यंत वादळी वारे सुरू होते. राज्यातील सासष्टी, सांगे आणि केपेसह इतर सर्व तालुक्यांना आज पावसाने झोडपले. उद्या शनिवारीदेखील पाऊस आणि ढगाळ वातावरण राहील, असा अंदाज हवामान(Weather department) खात्याने वर्तविला आहे.(Light to moderate thunderstorms are North Goa & South Goa districts during the next 3 4 hours)

गोवा: कोरोनाग्रस्ताचा मृतदेह अत्यंसंस्कार न करताच स्मशानभुमीतून आणला घरी 

दरम्यान, मालदीव आणि लक्षद्वीप येथून सुटलेले गेल वादळ आज गोव्यात धडकणार आहे. यादरम्यान, सुमारे 70 ते 80 कि.मी. प्रतितास वादळी वारे वाहणार असल्याचा अंदाज हवामान खात्याने व्यक्त केला आहे. हे वादळ राज्यात आर्थिक नुकसान करू शकते, असे हवामान खात्याने म्हटले आहे. लक्षद्वीप येथून हे वादळ काल शुक्रवारी गोव्याच्या दिशेने निघाले आहे. ते सकाळी केरळ येथील कन्नूर येथे धडकेल. तेथून ते अरबी समुद्रात कर्नाटक आणि पुढे गोवा व महाराष्ट्रातील किनाऱ्यावर धडकणार आहे. काल शुक्रवारी त्याचे पडसाद गोव्यात दिसायला सुरवात झाली. 

गोवेकरांनो सावधान! चक्रीवादळामुळे गोव्यात जोरदार पावसाची शक्यता 

यादरम्यान राज्यात ठिकठिकाणी पाऊस आणि वादळी वाऱ्यांसह विजेच्या कडकडाटाची शक्यता हवामान खात्याने वर्तविली आहे. सध्या या वादळाचा वेग 50 ते 60 कि.मी. प्रतितास इतका आहे, पण हा वेग गोव्याच्या किनारपट्टीवर वाढणार असी शक्यता हवामान विभागान वर्तविली आहे.