पणजी: दक्षिण पश्चिम रेल्वे (SWR) ने मंगळवारी झालेल्या वास्को-हावडा अमरावती एक्सप्रेस ट्रेनच्या अपघाताची चौकशी सुरू केली आहे. या अपघातात मंगळवारी सकाळी 8.56 वाजता वास्को हावडा अमरावती एक्सप्रेस (Vasco-Da-Gama Howrah Amaravati Express) दूधसागर आणि करंजोल स्थानकांच्या दरम्यान रुळावरून घसरली होती. (Train Accident in Goa Latest News)

रेल्वे (Railway) अधिकाऱ्याने दिलेल्या माहितीनुसार, दूधसागर स्थानकातून गाडी सुटल्यानंतर सकाळी 8.56 च्या सुमारास लोकोमोटिव्ह इंजिनची पुढची चाके रुळावरून घसरली.
SWR महाव्यवस्थापक संजीव किशोर आणि त्यांच्या पथकाने अपघातस्थळी धाव घेतली आणि पाहणी केली.

"ट्रेन घसरण्याचे मूळ कारण शोधले जाईल आणि हे परत होऊ नये म्हणून आवश्यक उपाय केले जातील," असे किशोर म्हणाले. त्यांनी ट्रेन क्रमांक 12779 वास्को-हजरत निजामुद्दीन एक्स्प्रेसच्या गार्ड ब्रेक व्हॅनचीही पाहणी केली आणि ट्रेन मॅनेजरशी संवाद साधला. ते पुढे म्हणाले,
जलद कारवाईमुळे, आम्ही थोड्याच वेळात परिस्थिती नियंत्रणात आणली. प्रवाशांसाठी (Passengers) जेवणसाहित ईतर सर्व व्यवस्था जलदगतीने करण्यात आल्या.