डिचोली: आमोणे येथील 'हिट अॅण्ड रन'प्रकरणी अपघाताला कारणीभूत असलेल्या संशयित कारचालकाला डिचोली पोलिसांनी अटक केली. तर अपघाताला कारणीभूत असलेली कारही ताब्यात घेतली. या अपघातात आमोणे पुलाजवळ मासे विक्री करणाऱ्या शांभा तारी (वय 75 वर्षे) या सावंतवाड़ा-आमोणे येथील ज्येष्ठ नागरिकाचा बळी गेला. हा अपघात काल शुक्रवारी सायंकाळी घडला होता. याप्रकरणी डिचोलीचे पोलिस उपअधीक्षक जीवबा दळवी यांच्या मार्गदर्शनाखाली पोलिस पुढील तपास करत आहेत.

उपलब्ध माहितीनुसार, शांभा तारी हे नेहमीप्रमाणे आमोणे पुलाजवळ रस्त्याच्या बाजू‌ला खेकडे विकत होते. सायंकाळी माशेलहून येणाऱ्या जीए- 04-सी-1533 या कारची तारी यांना जोरदार धडक बसली. त्यांना साखळी येथील रुग्णालयात (Hospital) दाखल केले होते.

'सीसीटीव्ही फुटेज'वरुन कारवाई

तारी यांना ठोकरल्यानंतर कारचालकाने केले. मात्र वाटेत उपलब्ध असलेल्या सीसीटीव्ही (CCTV) फुटेजवरुन पोलिसांनी रात्री उशिरा कार जप्त करुन संशयित कारचालकाला ताब्यात घेतले. गोमेकॉत उत्तरीय तपासणीनंतर तारी यांचा मृतदेह नातेवाईकांच्या ताब्यात देण्यात आला.