पणजी: तांत्रिक शिक्षण संचालनालयात वैद्यकीय प्रवेश प्रक्रियेतील गैरव्यवहार झाल्याचा आरोप कॉंग्रेस नेते गिरीश चोडणकर यांनी केला असून सरकारने याविषयी सखोल चौकशी करावी, अशी मागणी त्यांनी केली आहे.

गिरीश चोडणकर यांच्या म्हणण्यानुसार, गोमंतकीय विद्यार्थ्यांना अखिल भारतीय कोट्यातील जागा घेण्यासाठी सक्ती करण्यात येत आहे. यामागील उद्देश गोव्यातील अतिमहनीय व्यक्तींच्या मुलांना प्रवेश मिळवून देण्याचा असल्याचा आरोप त्यांनी केला आहे.

वैद्यकीय शिक्षण घेऊ इच्छिणाऱ्या विद्यार्थ्यांना या प्रक्रियेत भाग घ्यायला भाग पाडण्यासाठी रोख पैशांची ऑफरही देण्यात येत असल्याचे चोडणकर यांनी म्हटले आहे.

प्रवेश प्रक्रियेसंबंधीच्या या प्रकाराची सरकारने सखोल चौकशी करावी अशी मागणी चोडणकर यांनी यावेळी केली आहे.

तांत्रिक शिक्षण संचालनालयाकडून वैद्यकीय शिक्षण प्रवेश प्रक्रियेत झालेला गैरव्यवहार अतिमहनीय व्यक्तींच्या मुलांना प्रवेश देण्यासाठीच असल्याचे ते म्हणाले.