Fire in Goa: मडगाव परिसरात काल शनिवारच्‍या दिवशी चार ठिकाणी आग लागण्याचे प्रकार घडल्‍याची माहिती मडगाव अग्निशमन दल विभाग अधिकारी गिल सौझा यांनी दिली. त्‍यात नावेली, घोगळ, मडगाव व सेंट सेबस्तियन चॅपेल सोनसोडोचा समावेश आहे.

या चारही ठिकाणी सुक्या गवताला आग लागण्याचे प्रकार घडले. याबाबतची माहिती मिळताच तातडीने अग्निशमन दलाच्या पथकाने धाव घेऊन आग आटोक्यात आणली. कोणतीही वित्त व जीवितहानी झालेली नाही. दरम्‍यान, या आगीच्‍या घटनांमुळे परिसरात एकच खळबळ उडाली.