देशाचे पंतप्रधान नरेंद्र मोदी यांचा मुख्यमंत्री ते पंतप्रधान या प्रवासाला वीस वर्षे पूर्ण झाले आहेत. हाच प्रवास उलघडणारे पुस्तक 'Modi@20 ड्रिम्स... मिट...डिलिव्हरी' या पुस्तकाचे प्रकाशन पणजी, गोवा येथे मुख्यमंत्री प्रमोद सावंत (CM Pramod Sawant) यांच्या प्रमुख उपस्थित पार पडले.

यावेळी गोवा भाजप प्रदेशाध्यक्ष तानाजी शेठ रानवडे, भाजप महाराष्ट्रातील भाजप नेत्या चित्रा वाघ, भाजप नेते बी. एल. संतोष, दत्तेश प्रभू प्ररूळेकर, गिरीराज वेरणेकर तसेच भाजप पदाधिकारी आणि कार्यकर्ते उपस्थित होते.

'पंतप्रधान नरेंद्र मोदी यांनी अंत्यदोय यावर दृढ विश्वास ठेवून आत्मनिर्भर भारत हा दृष्टिकोन देशाला दिला आहे. न्यू इंडियाची (New India) निर्मिती करण्यासाठी आपण सामूहिक प्रयत्न करणं आवश्यक आहे' असे मुख्यमंत्री प्रमोद सावंत म्हणाले.

देशाचे पंतप्रधान नरेंद्र मोदी यांनी 2001 मध्ये गुजरात राज्याचे मुख्यमंत्री म्हणून शपथ घेतली. त्यानंतर 2014 मध्ये देशाचे पंतप्रधान म्हणून मोदींनी धुरा संभाळली, 2019 मध्ये दुसऱ्यांदा मोदी पंतप्रधान म्हणून निवडून आले. नरेंद्र मोदी यांच्या मुख्यमंत्री ते पंतप्रधान या प्रवासाला वीस वर्षे पूर्ण झाले आहेत. हा प्रवास उलघडणारे हे पुस्तक आहे.