चंद्रवाडो : अंबाजी मडगावमध्ये दुहेरी हत्याकांडची घटना उघडकीस आली आहे. या हत्याकांडच्या घटनेने मडगावत खळबळ माजली आहे व भीतीचे वातावरण निर्माण झाले आहे. मिंगेल मिरांडा (65) व कॅटरिना पिंटो (85) या दोन्ही वृद्धांची हत्या करण्यात आली आहे. हे दोन्ही मृतदेह बांधून ठेवलेल्या अवस्थेत घराच्या मागील खोलीमध्ये लपवून ठेवण्यात आले होते. याप्रकरणी मडगाव पोलिस अधिक तपास करत आहेत. 

मुंबईच्या नार्कोटिक्स क्राईम ब्युरोचे गोव्यातील अनेक ठिकाणी छापे

गेल्या वर्षी मडगाव शहरात भरदिवसा वाळके या ज्वेलरी शोरूमच्या मालकाची गोळ्या झाडून हत्या करण्यात आली होती. गेल्या काही दिवसांपासून राज्यात भरदिवसा चोऱ्यांचे तसेच दरोड्यांच्या घटना घडत आहेत. मात्र पोलिस यासंदर्भातची माहिती उघड करत नाहीत. परप्रांतीयांच्या चोरट्यांच्या टोळ्या राज्यात सक्रिय झाल्या असून भरदिवसा बंद असलेले फ्लॅट लुटण्याच्या तक्रारी पोलिस स्थानकात नोंद झाल्या आहेत. काही दिवसांपूर्वा जुन्या पाटो पुलाजवळील सरकारी वसाहतीमध्ये एका पत्रकाराच्या फ्लॅटमध्ये चोरी झाली होती. अनेक भागात चोऱ्यांचे प्रमाण वाढल्याने नागरिकांमध्ये घबराहट पसरली आहे. 

गोवा विधानसभा निवडणुक 2021: शिवसेना 20 ते 25 जागा स्वबळावर लढविणार