मेळावली: शेळी-मेळावली येथे पोलिस महासंचालक मुकेश कुमार मीणा यांनी वाळपई येथील आयआरबी कॅम्पमध्ये संयुक्त बैठक तातडीने संध्याकाळी आयोजित केली असून त्यामध्ये जिल्हाधिकारी, मामलेदार, सीमांकन अधिकारी, पोलिस अधिकारी यांचा समावेश आहे.

सर्व पोलिस स्थानकातील उपनिरीक्षक व त्यावरील पदाच्या अधिकाऱ्यांना वाळपईत जाण्याचे निर्देश त्यांनी काढले आहेत. आंदोलनकर्त्यांना पाठिंबा देणाऱ्या तसेच मेळावली आंदोलनकर्त्यांच्या नेत्यांना पोलिसांनी लक्ष्य करून त्यांना अटक करण्याची व्यूहरचना सुरू झाली आहे. नेत्यांना गजाआड करून हे आंदोलन मोडून काढण्यासाठी पोलिस यंत्रणा सज्ज झाली आहे. मुख्यमंत्री डॉ. प्रमोद सावंत हे आज दिल्लीला रवाना झाले आहेत. कायदा हातात घेणाऱ्यविरुद्ध कारवाईचे निर्देश मुख्यमंत्र्यानीच दिल्याने पोलिसांनी पूर्णपणे तयारी करण्यासाठी पावले उचलण्यास सुरू केली आहेत.

आणखी वाचा:

गोवा मार्केट व्यापारी संघटनेचे मुख्यमंत्री डॉ. प्रमोद सावंतांना निवेदन -