पणजी : राज्यातील वातावरण पुढील पाच दिवस कोरड्या स्वरूपाचे आणि ढगाळ वातावरण असणार आहे. आज काही ठिकाणी ढगाळ वातावरण होते. तर काही ठिकाणी कडक उन्ह पडले होते. 

राज्यात गेल्या चोवीस तासांत सरासरी कमाल ३५.० अंश सेल्सिअस आणि किमान २२.७ अंश सेल्सिअस इतक्या तापमानाची नोंद झाली. वातावरणीय बदलामुळे कोकण किनारपट्टीवर कमी दाबाचा पट्टा निर्माण झाल्याने समुद्र खवळलेल्या अवस्थेत आहे. 

समुद्रावर वाऱ्याचा वेळ ४० कि. मी. प्रति तास असणार असून हा वेग ५० ते ६० कि.मी. प्रति तास इतक्या जलद गतीने वाढणार असल्याची शक्यता आहे. त्यामुळे समुद्रावर जोराचे वादळी वारे तर असणारच आहेत, पण याशिवाय लाटांची उंचीसुद्धा अधिक असणार आहे. त्यामुळे मासेमारी करणाऱ्यांना समुद्रात न उतरण्यासाठीचा इशारा देण्यात आला आहे. शिवाय नागरिकांनाही समुद्रानजीक न जाण्यासाठीच्या सूचना करण्यात आल्या असून दृष्टीच्या जवानांना तैनात करण्यात आले आहे.