पणजी: कामासाठी गोव्यात आलेल्या बिहारच्या मजुराने चार वर्षांच्या युरोपियन मुलीवर लैंगिक अत्याचार केल्याची घटना उघडकीस आली आहे. गोवा पोलिसांनी या प्रकरणी २९ वर्षीय मजुराला अटक केली आहे. मंगळवारी (दि. १० सप्टेंबर) सायंकाळी ही घटना घडली.

मिळालेल्या माहितीनुसार, पीडित मुलगी संशयित मजुराच्या मुलीसोबत अंगणात खेळत होती. यावेळी संशयित मजुराने मुलीवर लैंगिक अत्याचार केल्याचे तक्रारीत म्हटले आहे.

युरोपियन कुटुंबीय २०१६ पासून भारतात राहत आहेत. दोन महिन्यापूर्वी ते गोव्यात शिफ्ट झाले होते. पीडित मुलीच्या आईने दिलेल्या तक्रारीनुसार पोलिसांनी पोक्सो अंतर्गत गुन्हा दाखल करुन अटक केली आहे. दरम्यान, या घटनेमुळे गोवा हदरला असून, पोलिस अधिक तपास करत आहेत.