Mahadayi Water Dispute: केंद्रीय गृहमंत्री अमित शहा यांनी म्हादई विषयी हुबळीतील सभेत एक अत्यंत वादग्रस्त आणि धक्कादायक विधान केले होते. या वक्तव्यावरून राज्यभर संतापाची भावना पसरली आहे. दरम्यान या विधानाचे पडसाद आज राज्यातील ग्रामसभांमध्ये उमटले. यावेळी शहांच्या वक्तव्याचा निषेध करण्यात आला.

केंद्रीय गृहमंत्री अमित शहा यांनी म्हादई विषयी केलेल्या विधानाचा पेडण्यातील कोरगाव ग्रामसभेत निषेध करण्यात आला. यावेळी म्हादई कर्नाटकात वळवण्यास विरोध करणारा ठराव ग्रामसभेने मंजूर केला आहे. हा ठराव मुख्यमंत्री प्रमोद सावंत यांना सादर करण्यात येणार आहे तसेच हा ठराव केंद्रीय गृहमंत्री अमित शहा यांच्याकडेही सादर करण्याचा प्रयत्न केला जाणार आहे.

कर्नाटकच्या म्हादईवरील प्रकल्पांना विरोध करण्याचा केरी-सत्तरी पंचायतीने ठराव मंजूर केला. तसेच पंचायत क्षेत्रात म्हादईबाबत जनजागृती करण्यासाठी विशेष समिती स्थापन केली.

केरी-सत्तरी पंचायतीने 'विधवा सन्मान' ठरावावर चर्चा करण्यासाठी विशेष ग्रामसभा घेतली. माधवी राणे व स्नेहा गवस यांनी 'विधवा सन्मान' ठराव मांडला. ग्रामसभेने गावातील विधवांना सन्मान देण्याचा ठराव मंजूर केला.

म्हादई विषयी शहा यांनी केलेल्या विधानाचा निषेधााचा ठराव कुर्टी ग्रामसभेत मंजूर करण्यात आला. शहा यांनी केलेल्या वक्तव्याचा मये पंचायतीच्या ग्रामसभेत निषेध करण्यात आला व तसा ठरावही मंजूर करण्यात आला.