गोव्यात वाढत्या ध्वनी प्रदूषणाच्या तक्रारी दिवसेंदिवस वाढत चालल्या आहेत. त्यातच उत्तर गोव्यातील हणजुणे बीच परिसरात सातत्याने रात्री उशिरापर्यंत पार्ट्या सुरू असतात. या पार्ट्यांमध्ये मोठ्या आवाजात संगीत लावलेले असते. त्याचा त्रास परिसरातील, गावातील नागरिकांना होत असल्याच्या तक्रारी वारंवार झाल्या आहेत.

अशाच पद्धतीच्या एका तक्रारीतून काही दिवसांपूर्वी हणजुणे येथील एका कॅफेच्या व्यवस्थापकाविरोधात गुन्हा दाखल करण्यात आला होता.

अशीच एक घटना पुन्हा एकदा घडली असून रात्री 10 नंतर कर्णकर्कश आवाजात म्युझिक वाजवून ध्वनी प्रदूषण केल्याप्रकरणी 'ग्लोरी वागातोर' या हॉटेलच्या व्यवस्थापनाविरोधात गुन्हा दाखल करण्यात आलाय.

गोवा प्रदूषण नियंत्रण मंडळाच्या तक्रारीच्या आधारे हणजूण पोलिसांनी हॉटेल व्यवस्थापनाविरोधात सदर कारवाई केलीय.

सविस्तर वृत्त थोड्याच वेळात