Goa Carnival 2023: बाणावली मतदारसंघातील सात गावांनी एकत्र येऊन मतदारसंघात पारंपरिक कार्निव्हल चित्ररथ मिरवणूक आयोजित केली आहे.

21फेब्रुवारीपासून ही मिरवणूक होणार असून त्याची तयारी सुरू करण्यात आल्‍याची माहिती आमदार व्हेंझी व्‍हिएगस यांनी दिली.

या मिरवणुकीसाठी प्रत्येक गावचा एक प्रतिनिधी निवडण्यात येणार आहे. या परेडला यापूर्वी स्थानिक युवकांचा सहभाग असलेला युनायटेड बॉईज्‌ ऑफ बाणावली क्लबचा पाठिंबा असेल.

किनारपट्टी भागात कार्निव्हल परेडची परंपरा कायम राखण्यासाठी ही योजना राबविण्यात येत असल्याचे व्‍हिएगस यांनी सांगितले.

स्थानिक पेले फर्नांडिस यांनी सांगितले की, कार्निव्हल केवळ फ्लोट्ससाठीच नव्हे तर समुदाय एकत्र येऊन कार्यक्रमाचा आनंद कसा घ्यायचा यासाठी आहे.

दरम्‍यान, या मिरवणुकीचे यशस्वी आयोजन करण्यासाठी बाणावली, कोलवा, वार्का, केळशीसह इतर ठिकाणच्या गावच्या प्रतिनिधींची निवड करण्यात आली आहे.