भारताचे वरिष्ठ राजनयिक अधिकारी अमनदीप सिंग गिल यांची शुक्रवारी संयुक्त राष्ट्रांचे सरचिटणीस अँटोनियो गुटेरेस यांनी तंत्रज्ञानाच्या विकासासाठी आपले दूत म्हणून नियुक्ती केली. युनायटेड नेशन्सने त्यांचे वर्णन डिजिटल तंत्रज्ञानातील विचारशील लीडर म्हणून केले आहे. (indian diplomat amandeep singh gill appointed as un chief envoy on-technology)

दरम्यान, अमनदीप सिंग गिल हे 2016 ते 2018 या कालावधीत जिनिव्हामध्ये झालेल्या निःशस्त्रीकरण परिषदेसाठी भारताचे (India) राजदूत आणि स्थायी प्रतिनिधी होते. आता ते इंटरनॅशनल डिजिटल हेल्थ अँड आर्टिफिशियल इंटेलिजेंस रिसर्च कोलॅबोरेटिव्ह प्रोजेक्टचे मुख्य कार्यकारी अधिकारी आहेत, जे ग्रॅज्युएट इन्स्टिट्यूट ऑफ इंटरनॅशनल अँड डेव्हलपमेंट स्टडीज, जिनिव्हामध्ये कार्यरत आहेत.

तसेच, संयुक्त राष्ट्राने (United Nations) जारी केलेल्या निवेदनात म्हटले आहे की, डिजिटल तंत्रज्ञानातील अमनदीप सिंग गिल एक विचारशील लीडर आहेत. त्यांना डिजिटल तंत्रज्ञानातील बारकावे चांगले समजतात. याआधी, गिल कार्यकारी संचालक आणि डिजिटल सहकार्य (2018-2019) वरील UN महासचिवांच्या उच्चस्तरीय पॅनेलचे सह-प्रमुख राहीले आहेत.

शिवाय, अमनदीप सिंग गिल (Amandeep Singh Gill) यांनी किंग्ज कॉलेज, लंडन येथून पीएचडी पूर्ण केली. पंजाब (Punjab) विद्यापीठ, चंदीगड येथून इलेक्ट्रॉनिक्स आणि इलेक्ट्रिकल कम्युनिकेशन्समध्ये बॅचलर ऑफ टेक्नॉलॉजी आणि जिनिव्हा विद्यापीठातून फ्रेंच इतिहासामध्ये डिप्लोमा केला आहे. ते स्टॅनफोर्ड विद्यापीठात व्हिजिटिंग स्कॉलर देखील आहेत.